Қазақстанда ең жоғары 13 миллион теңге жалақыны кім алады?  - на finance.bugin.kz
Қаракөз Амантай - на finance.bugin.kz Қаракөз Амантай

Ең жоғары жалақыны кім алатыны белгілі болды

2018 жылдың соңында бір қызметкердің орташа айлық жалақысы 176 050 теңге болды.  Ал ең жоғары жалақы 13 миллион 192,4 мың теңге болса, ең төменгі жалақы 15,6 мың теңге болып белгіленді. Бұл туралы Sputniknews.kz хабарлайды.

Қазақстанда желтоқсанда орташа айлық жалақы 174 мың теңге болды

Салалық құрылымда жоғары мөлшердегі жалақы карьерлерді қазу мен кен өндіру өнеркәсібінде тіркелді – 390,4 мың теңге (орташа республикалық деңгейден 2,2 есе жоғары), қаржы және сақтандыру қызметінде – 364,7 мың теңге (2,1 есе жоғары), кәсіби, ғылыми және техникалық қызметте – 332,5 мың теңге (1,9 есе жоғары), ақпарат және байланыс саласында – 261,7 мың теңге (1,5 есе жоғары), құрылыс саласында – 227,5 мың теңге (1,3 есе жоғары). 

Ең төменгі атаулы жалақы білім беру қызметкерлерінде – 107,9 мың теңге, бұл республика бойынша орта көрсеткіштен 38,7% %-ға төмен, деп хабарлады ҚР ұлттық экономика министрлігі статистика комитетінің баспасөз қызметі.

Өңірлерде ең жоғарғы жалақы Атырау облысында белгіленді – 320,5 мың теңге, бұл орташа республикалық көрсеткіштен шамамен 1,8 есе жоғары. Түркістан облысында мұның шамасы 109,7 мың теңгені көрсетті, бұл ел бойынша орташа деңгейден 37,7%-ға төмен.

Ең жоғарғы жалақыны, яғни 13 миллион 192,4 мың теңгені кен өндіру өнеркәсібі және карьерлерді қазу, қаржы және сақтандыру қызметі және өзге де өңдеу өнеркәсібі салаларындағы бас директор алатын болып шықты.

Ең төменгі жалақы 15,6 мың теңге көлемінде белгіленді – оны білім беру және мемлекеттік басқару салаларында үй-жайларды жинап-тазалаушы алады.

0 Пікір Кіру