Қанат Бозымбаев: Жаңа жылдан бастап газ бен жарық арзандайды - на finance.bugin.kz
Қаракөз Амантай - на finance.bugin.kz Қаракөз Амантай

Арзандату үшін қандай шаралар қолға алынады?

Қанат Бозымбаев елімізде газ және жарық тарифтерін арзандату үшін қандай шаралар қолға алынғанын айтты.

Энергетика министрі Қанат Бозымбаев Қазақстанда тауарлық газ бен электр энергиясы тарифтері арзандатылатыны туралы айтты.

Үкімет отырысы кезінде ведомство басшысы электр қуатының нарыққа енгізілуіне байланысты сектор үшін екі тарифтік әдістеме енгізілетінін айтты.

Энергия өндіретін ұйымдар электр энергиясының бағасын екі тарифке бөледі: электр энергиясына және қуатына. Электр энергиясына объективті, шекті тарифтерді белгілеу энергия өндіруші ұйымдардың сату бағасын төмендетуге мүмкіндік береді.

"Тауарлық газ бойынша энергия өндіруші ұйымдардың электр энергиясына тарифтерін төмендету үшін министрлік бұйрық жобасын әзірледі. Бұл жобада тауарлық газдың шекті көтерме бағаларын төмендету көзделген. Біздің бағалауымыз бойынша көтерме сауда бағасын 2019 жылғы 1 қаңтардан бастап төмендету — тауарлық газдың түпкі бағасын өңірге байланысты газ пайдаланатын электр станциялары үшін 6-дан 15%-ке дейін төмендетуге мүмкіндік береді", — деді Қанат Бозымбаев.

Сонымен қатар, министр тиісті бұйрықтың ағымдағы жылдың қараша айының соңына жоспарланғанын айтып өтті. Яғни министрліктің газға көтерме сауда бағаларын төмендету негізінде табиғи монополияларды реттеу комитеті тиісті бұйрықтар қабылдап, станциялар үшін газ бағасын төмендетуі тиіс.

Дереккөз: sputniknews.kz

0 Пікір Кіру