Кентауда құрғақ сүт өңдейтін өндіріс цехы ашылады - на finance.bugin.kz
Askhat Shotayev - на finance.bugin.kz Askhat Shotayev

Кентау қаласы Қарашық ауылдық округінде ауылшаруашылық жұмыстары қарқынды

Түркістан облысы Кентау қаласы Қарашық ауылдық округінде «Тұран» шаруа қожалығының атқарған жұмыстары ауқымды. Аталмыш  шаруақожалық 1994 жылы құрылған. Қазіргі таңда шаруа қожалықта жіп өңдеу және мақта май цехы мен сүт өңдейтін цех жұмыс істейді. Қожалыққа қарасты сүт зауытында сүт өнімдерінің барлық түрі шығарылады.  Кәсіпорын тәулігіне 40 тонна өнім өңдеуге қауқарлы. Күніне 15-16 тонна сиыр сүтін қабылдап, одан сүт өнімдерінің барлық түрін шығарады.

Сонымен қатар, бұл жерде тамшылатып суаруға пайдаланатын құбыр цехы жұмыс істейді. Бұнымен шектелмей, жоғары деңгейдегі  элиталық шитті тұқымын жылына 430 тоннаға дейін жеткізіп отыр. Қожалық иесі  2018 жылы 413 гектар жерге шитті мақта өнімдерін егіп, жоғары өнім алғанын айтуда.

«Алдағы уақытта Германияда орналасқан «Textima Export Import GmbH»  фирмасынан жалпы құны 3 миллион АҚШ доллар тұратын жіп игеру жабдықтарын әкеліп орнатуды  жоспарлап отырмын.  Шаруа қожалықта арнайы техникалар тұратын орнымыз бар.  Қазір 23 трактор, оның 4 МТЗ – 1221 және 3 John Deere мақта жинау комбайны бар.  Құрғақ сүт өңдейтін өндіріс цехының құрылыс жұмыстары толығымен аяқталды десек те болады. Таяу күндері іске қосылатын болады», – деді «Тұран» шаруа қожалығының төрағасы Хабибулла  Азимов.

«Тұран» шаруақожалығы 50-60 жас аралығындағы ауыл тұрғындарын жұмыспен қамтып отыр. Биыл қожалыққа 170 бас асылтұқымды семментал тұқымды ірі қарасын өсіруді қолға алған.  Ауылдың әлеуметтік жағдайын, тұрғындардың тұрмысын түзеу үшін және сүт өнімдерін арттыру мақсатында ІҚМ-ды кәсіпкер ауыл тұрғындарына несие жолымен көмек беріліп жатыр. Ал,  тұрғындар болса, малдың құнын кәсіпкерге 3 жылдың ішінде сүт арқылы өтеп беретін болады.

0 Пікір Кіру